علمتني غـــاده ( كيـف أشـب المسـا .. ) !

وعلمتني كيف أرحـب .. وابتديهـا بالسـلام

 
وعلمتني شلون ( احمد) .. لو على غفله قسـى

شقت الشمس برضاهـا كـل صفحـات الظـلام

وعلمتني .. لو يصلي الشيخ بالنـاس / ونسـى

علمتني كيف إن ( السهـو ) سجـده للإمـام !

وعلمتنـي .. إنهـا أروع أمـيـره بالنـسـا !

وانها من يوم راحت .. طيرت سرب الحمـام !!

وعلمتني .. ما أقول بيـوم ( والله تخسـى ) ..

غير لدمـوع(ن) تفادتهـا عواجيـز الكـلام ..

وعلمتنـي مـا ألـوم العشـق لامنـه رسـى !

والهوى لامن تمكن .. صعب توزيـع المـلام !

وعلمتني اختصار الحب في كلمـة " عسـى " ..

يا ( عسى ) ترجع لياليها على طـش الغمـام ..

آآآآه .. لو بس علمتني ( كيف أذب المسا .. ) !